കോട്ടയം : കേരള കോണ്ഗ്രസ് ജോസ് പക്ഷത്തെ യുഡിഎഫിൽനിന്ന് പുറത്താക്കിയത് ദുഃഖകരമെന്ന് റോഷി അഗസ്റ്റിൻ എംഎൽഎ പറഞ്ഞു. യുഡിഎഫിലെ എല്ലാ ധാരണകളും പാലിച്ചു പോന്നിരുന്നു. ജനങ്ങളുടെ മനസ്സിൽ നിന്നും തങ്ങളെ ആർക്കും പുറത്താക്കാനാവില്ല. ഒരുമിച്ചുനിന്നു പോരാടിയവരാണ് തങ്ങൾ. തങ്ങളെ പുറത്താക്കുന്നതായി യുഡിഎഫിൽ പ്രമേയം പാസാക്കിയിട്ടില്ല. യുഡിഎഫ് യോഗം ചേർന്നാണോ തങ്ങളെ പുറത്താക്കിയത് എന്ന് അറിയില്ല. യുഡിഎഫിലെ കക്ഷി എന്ന നിലയിൽ തങ്ങളെ ഒരു യോഗത്തിനും വിളിച്ചിരുന്നില്ല. ഇക്കാര്യം മറ്റ് കക്ഷികളോട് ചോദിക്കണമെന്നും അദ്ദേഹം പറഞ്ഞു. കോട്ടയം ജില്ലാ പഞ്ചായത്തിലെ പ്രശ്നങ്ങൾ ഉമ്മൻ ചാണ്ടിയുമായി ചർച്ച നടത്തിയിരുന്നു. എല്ലാ വിട്ട് വീഴ്ചയ്ക്കും തങ്ങൾ തയാറായിരുന്നു. ഇനി മുന്നണി നോക്കുന്നില്ല. കർഷകർക്കായി ജനങ്ങൾക്കൊപ്പം നിന്ന് പോരാടുമെന്നും അദ്ദേഹം പറഞ്ഞു.തങ്ങളുടെ പ്രവർത്തനം കണ്ട് ഏതെങ്കിലും മുന്നണി ക്ഷണിച്ചാൽ ആ ക്ഷണം സ്വാഗതം ചെയ്യും. ഇന്ത്യയിലെ ഏത് മുന്നണിക്ക് വേണമെങ്കിലും തങ്ങളെ ക്ഷണിക്കാമല്ലോ എന്നും ജനങ്ങൾക്കൊപ്പം ഉണ്ടാകുമെന്നും റോഷി കൂട്ടിച്ചേർത്തു.
💢💢💢💢💢💢💢💢💢💢💢💢💢💢💢💢💢💢
വാർത്തകൾ ഫേസ്‌ബുക്കിൽ ലഭിക്കാൻ പേജ് ലൈക്ക് ചെയ്യുക
