കോവിഡ് മുന്നറിയിപ്പെന്ന വ്യാജേന ഇന്ത്യയിൽ വൻ സൈബർ ആക്രമണത്തിന്
സാധ്യതയെന്ന് കേന്ദ്ര സൈബർ സെക്യൂരിറ്റി ഏജൻസിയായ കമ്പ്യൂട്ടർ
എമര്‍ജന്‍സി റെസ്‌പോണ്‍സ് ടീം (CERT-in) മുന്നറിയിപ്പ് നൽകുന്നു. വ്യക്തിഗത
വിവരങ്ങളും സാമ്പത്തിക വിവരങ്ങളും ചോർത്തുന്ന ഫിഷിങ് ആക്രമണമാണ്
ഉണ്ടാവുക. സ്വീകർത്താക്കളെ വ്യാജ വെബ്‌സൈറ്റുകളിലേക്ക് നയിക്കുന്നതിനാണ് ഈ
ഫിഷിംഗ് ഇമെയിലുകൾ രൂപകൽപ്പന ചെയ്തിരിക്കുന്നത്, അവിടെ വ്യക്തിഗതവും
സാമ്പത്തികവുമായ വിവരങ്ങൾ വെളിപ്പെടുത്തുന്നതിൽ വഞ്ചിക്കപ്പെടും.
കോവിഡുമായി ബന്ധപ്പെട്ട ഏജൻസികളുടേതെന്ന വ്യാജേന ഇ-മെയിലുകൾ എത്തുന്ന
ലിങ്കിൽ ക്ലിക്ക് ചെയ്താൽ മറ്റൊരു വെബ്സൈറ്റിലേക്ക് പോവുകയും സൈറ്റിലെ
ഫയൽ ഡൗൺലോഡ് ചെയ്യുകയും ചെയ്യുന്നതോടെ കമ്പ്യൂട്ടറിലെ വിവരങ്ങൾ
ഹാക്കർമാർക്ക് ലഭിക്കുന്നു. വ്യക്തിഗത വിവരങ്ങളും സാമ്പത്തിക ഇടപാട്
സംബന്ധിച്ച വിവരങ്ങളുമാണ് ഹാക്കർമാർ ചോർത്തുക.
20 ലക്ഷം ഇമെയിൽ ഐ.ഡികളിലേക്ക് ഫിഷിങ് മെയിൽ എത്താമെന്നാണ് മുന്നറിയിപ്പ്. ഡൽഹി, മുംബൈ, ഹൈദരാബാദ്, ചെന്നൈ, അഹമ്മദാബാദ് തുടങ്ങിയ നഗരങ്ങളിൽ സൗജന്യ കോവിഡ് ടെസ്റ്റ് നടത്തി നൽകാമെന്ന് പറഞ്ഞാവും മെയിലുകൾ എത്തുക. മെയിലിനൊപ്പമുള്ള അറ്റാച്ച്മെൻറുകൾ തുറക്കുകയോ ലിങ്കുകളിൽ ക്ലിക്ക് ചെയ്യാതിരിക്കുകയോ ചെയ്യുന്നത് മാത്രമാണ് സൈബർ ആക്രമണത്തിൽ നിന്നും രക്ഷപ്പെടാനുള്ള ഏകപോംവഴിയെന്നും വിദഗ്ധർ അറിയിക്കുന്നു.
ശ്രദ്ധിക്കുക:
1.1. സോഷ്യൽ മീഡിയ വഴി, ആവശ്യമില്ലാത്ത ഇ-മെയിൽ, SMS അല്ലെങ്കിൽ സന്ദേശങ്ങളിൽ അറ്റാച്ചുമെന്റ് തുറക്കുകയോ ക്ലിക്കുചെയ്യുകയോ ചെയ്യരുത്
2. അറിയാവുന്നയാൾ അയച്ചതായി തോന്നിയാലും അറ്റാച്ചുമെന്റുകൾ തുറക്കുന്നതിൽ ജാഗ്രത പാലിക്കുക
3. ഇ-മെയിൽ വിലാസങ്ങൾ, ഇ-മെയിലുകളിലെ അക്ഷര പിശകുകൾ, വെബ്‌സൈറ്റുകൾ, അപരിചിതമായ ഇ-മെയിൽ അയയ്‌ക്കുന്നവർ എന്നിവ സൂക്ഷിക്കുക
4. അപരിചിതമായ അല്ലെങ്കിൽ അജ്ഞാത വെബ്‌സൈറ്റുകൾ / ലിങ്കുകളിൽ വ്യക്തിഗത സാമ്പത്തിക വിശദാംശങ്ങൾ സമർപ്പിക്കരുത്
